Бізге жай ғана ақпарат тарататын алаң емес, елдің рухын оятып, санасын серпілтетін орта қажет. Өйткені еңселі халықтан намысты көкжалдар мен айбатты арыстандар көп шығады. Ондай елді ешкім бодан ете алмайды. Ол халық үшін алынбайтын қамал да, бағынбайтын белес те жоқ.

Болашақта HAQ TURAN арнасын әлемнің мықты түркітанушы ғалымдардың басын қосатын ірі ғылыми әрі рухани орталыққа айналдыруын мақсат етіп отырмын. Сол арқылы Шыңғыс хан бабамыздың түркілік тегін ғылыми негізде дәлелдеп, халықаралық тілдерде, сапалы көркем және деректі фильмдер арқылы бүкіл әлемге танытып, насихаттап, тарихи әділдіктің орнауына өз үлесімізді қосуды мақсат етемін. Аруақ разы болмай, тірі байымас, дегендей.

Бірақ «Жалғыздың үні шықпас, жаяудың шаңы шықпас». Осындай ауқымды істерді жүзеге асыру үшін үлкен қолдау мен қаражат қажет.